Kyrrðarstund

Kyrrðarstundir eru mér umhugsunarefni núna.   Það er nauðsynlegt fyrir okkur öll held ég að eiga kyrrðarstundir með okkur sjálfum, ef ekki daglega þá allavega mjög reglulega og meðvitað.  En hvað eru kyrrðarstundir?  Hvað gerir maður í kyrrðarstundum? 

Staldraðu aðeins núna við með sjálfum/sjáfri þér og hugaðu að því hvað þér dettur í hug þegar þú heyrir orðið "kyrrðarstund"

Þegar ég hugsa um orðið "kyrrðarstund" dettur mér í hug friður, ró, væntumþykja, kertaljós, létt tilfinning, róleg og lág tónlist eða þögn, góður staður, ilmur af náttúrunni, sjávarniður, uppáhalds-tónlist, tæma hugann, nudd, slökun, teppi, rúm, góður hægindastóll, reykelsi, heitur pottur, heitt bað, ilmolíur, sitja í stól og hugsa ekkert eða fallegar hugsanir, hugsa ekkert og finna hvaða hugsanir koma ósjálfrátt að okkur, hlusta á umhverfið, nægjusemi, þolinmæði, augnablikið, finna aðeins núið og láta andrúmsloftið leika um sig og finna það góða, opna hjartað, anda frá sér óþægindum og að sér því góða, kristileg stund, bæn, kærleikur...

Svona er lengi hægt að telja.  Við þurfum bara að finna hvað hentar okkur í okkar kyrrðarstund.  Kyrrðarstundirnar þurfa ekki alltaf að vera eins. Þín getur verið öðruvísi í dag en á morgun.  Mundu bara að þessar stundir eru aðeins þú án ytra áreitis. Ég held að svona stundir færi okkur nær sjálfinu og hjálpi okkur að finna hver við raunverulega erum og hverjar okkar langanir og þrár eru.  Þær halda okkur í núinu og setja þannig ákveðna bremsu á hugann sem getur auðveldlega í dagsins önn fært okkur um stund lengra frá okkur sjálfum... ef svo má að orði komast.  Á svona stundum getum við meira að segja komið okkur á óvart.  Því að ýmislegt getur birst okkur úr undirmeðvitundinni sem þar er geymt en kemst ekki upp á yfirborðið, og vittu til stundum er það eitthvað sem við vildum ekki hafa misst af að kynnast hjá okkur og sinna  Búðu þig undir það að þetta geti tekið aðeins á fyrst, hugurinn kannski á fleygiferð... EN það æfist og þú munt ekki vilja sleppa þeim eftir það

Hvernig viltu hafa þína kyrrðarstund í dag? 

Þú þarft ekki að skipuleggja hana.  Byrjaðu bara á því að halla þér aftur í stólnum sem þú situr í núna og loka augunum, tæmdu hugann og sjáðu hvað þessi stund mun hafa fyrir þig í dag. 

 

Athugasemdir

[Björn Jónsson (IP-tala skráð) 12.11.2007 kl. 22:09]

Blessuð Þóra ! Ég rambaði inn á þessa skemmtilegu síðu þína og finnst hún yndisleg og uppbyggjandi. Bætti henni við tenglasafnið mitt, vonandi er þér sama. Kær kveðja Bubbi J.

[Ingunn og Rósa tónleikafélagar. (IP-tala skráð) 13.11.2007 kl. 10:08]

Hæ ljúfasta ljúfan mín. Þú hitti naglann alveg á höfuðið þegar þú ert að tala um kyrrðarstundirnar sem við þurfum að skapa okkur sjálf. Er þetta ekki allt undir okkur komið hvernig við högum lífinu okkar? Með miklum hraða og spennu eða mð rólegheitum og frið. Hlakka mikið til að eiga stund með snúllunum okkar á Frostrósartónleikunum þetta verður svo gaman. Koss og knús til ykkar í Logasölunum.

Kveðja frá Ingunni, Gulla 25, Rósinni og Guðmundi Inga ömmusnúð .

[Guðrún Sæmundsdóttir, 13.11.2007 kl. 22:21]

Mér finnst nauðsynlegt að hafa kyrrðarstund í mínu lífi. kristið bænalíf er samkvæmt minni reynslu afar góð slökun og gefur innri frið.
http://alit.blog.is/blog/alit/entry/281743/

 Þetta er grein af síðunni minni um kristna hugrækt.

[Þóra I. Sigurjónsdóttir, 14.11.2007 kl. 01:04]

Ó hvað eg er þér sammála, enda ætla ég að bæta bæninni inn í bloggið um kyrrðarstundina.  Skil eiginlega ekki af hverju það kom ekki fram eins og eg hef oft hugsað um það að  maður ætti að byrja hvern morgun með kristilegri stund. Takk kæra Guðrún

[Þóra I. Sigurjónsdóttir, 14.11.2007 kl. 01:06]

Sæll Björn velkomið að bæta mér í tenglasafnið, þakka þér fyrir falleg orð um síðuna mína.

[Þóra I. Sigurjónsdóttir, 14.11.2007 kl. 01:07]

Hlakka líka ofsalega til, elsku Ingunn mínknúsímús

[Hjördís Ósk (IP-tala skráð) 18.11.2007 kl. 00:47]

Dásamlegt að hafa svona kyrrðarstund. Slappa af og setja allar hugsanir bakvið mann :o) Njóta kyrrðarinnar ... eitthvað sem því miður gleymist í amstri dagsins. Við erum alltaf að flýta okkur svo mikið ... bara spurning hvert maður er að flýta sér ???

 Sakna þess að sjá þig ekki upp á Vífó  

Knús til þín  

[Halldór Sigurðsson, 30.11.2007 kl. 18:24]

Kyrrðarstund = slökkva á gsm símanum

[Hjördís Ósk (IP-tala skráð) 13.12.2007 kl. 00:48]

Hæ darling ... er búin að fá að vita kennslubókina eftir áramót í líknandi meðferð ... líst svakalega vel á hana !!!

Sýni þér allt um hana þegar við hittumst næst upp í vinnu